Адвод расійскіх войскаў на Кіеўшчыне і Чарнігаўшчыне звязаны з прагрэсам на перамовах паміж Украінай і РФ. Пра гэта піша УНІАН са спасылкай на заяву Міністэрства абароны РФ і прадстаўнікоў расійскай дэлегацыі ў Стамбуле.
Як паведамляе УНІАН, намеснік міністра абароны Расіі Фамін падчас выступу па выніках перамоваў з украінскім бокам у Стамбуле заявіў, што, цытата, «з улікам абмеркаваных сёння прынцыпаў, Мінабароны Расіі ў мэтах павышэння ўзаемнага даверу і стварэння неабходных умоў для далейшага вядзення перамоваў і дасягненні канчатковай мэты – узгаднення і падпісання вышэйпаказанага дагавора – прынята рашэнне кардынальна, у разы скараціць ваенную актыўнасць на кіеўскім і чарнігаўскім напрамках ».
