Нашэсце нелегальных мігрантаў на Эстонію цяпер малаверагоднае, але краіна здольная вытрымаць іх магчымы ціск, заявіў прэзідэнт Алар Карыс. Пра гэта піша «Інтэрфакс-Захад».
«Хоць прыбыццё мігрантаў на эстонскую мяжу ў гэты момант малаверагодна, Эстонія распрацавала шэраг захадаў і гатовая да хуткіх змен і розных сцэнарыяў. Сітуацыя трывожная, але я ўпэўнены, што Эстонія гатовая адрэагаваць», – прыводзіць агенцтва словы Алара Карыса.
Карыс лічыць, што ў інтарэсах Эстоніі забяспечыць, каб сітуацыя на граніцы Беларусь – ЕС пастаянна знаходзілася ў міжнародным парадку дня.
