HomeНавіныКаталікі адзначаюць Свята Аб'яўлення Пана або Тры Каралі

Каталікі адзначаюць Свята Аб’яўлення Пана або Тры Каралі

Каталікі сёння адзначаюць Свята Аб’яўлення Пана або Тры Каралі. Традыцыя свята адсылае да біблейскіх падзей, калі да нованароджанага Езуса прыйшлі пакланіцца вешчуны з усходу.

Ужо ў XV-XVI стагоддзях у гэты дзень у касцёлах асвячалі золата і кадзіла, а ў XVIII стагоддзі дадаўся звычай асвячэння крэйды, якой сёння прынята пісаць на дзвярах уласных дамоў “K+M+B+бягучы год”.

Лічыцца, што гэта першыя літары імёнаў тых самых вешчуноў: Каспар, Мельхіёр і Бальтазар. Аднак пацвярджэнне гэтаму факту не знойдзена. У сярэднявеччы гэта разумелася інакш. Надпіс «С+М+В» (імя Каспар на лацінскай мове пісалася праз С) выказваў благаславенне: «Хай дабраславіць Хрыстос гэты дом» (“Christus mansionem benedicat”).

У памяць аб Аб’яўленні Хрыста і пакланенні трох каралёў у гэты дзень кожны католік абавязаны наведаць богаслужэнне. Свята Трох Каралёў таксама называецца шчодрым днём, а вечар напярэдадні свята – шчодрым вечарам, калі прынята рабіць дзецям і сваякам падарункі і раздаваць пірагі.

bydobryhttps://bydobry.com
Главный редактор
Subscribe
Notify of
guest
0 комментариев
Inline Feedbacks
View all comments

ПОПУЛЯРНОЕ

0
Would love your thoughts, please comment.x
()
x