Міністр замежных спраў Кітая Ван І і яго французская калега Катрын Калана ў чацвер падчас тэлефоннай размовы выказалі ўзаемную гатоўнасць разам садзейнічаць мірнаму ўрэгуляванню расійска-ўкраінскага канфлікту. Пра гэта, як піша ТАСС, паведаміў МЗС КНР.
Па словах Ван І, у трансфармацыі ўкраінскага крызісу наступіў ключавы момант, калі міжнародная супольнасць павінна тэрмінова праявіць салідарнасць і садзейнічаць прасоўванню мірных перамоў паміж Расіяй і Украінай.
Як падкрэсліла Калана, Парыж прыкладзе ўсе магчымыя намаганні для аднаўлення доўгатэрміновага міру ва Украіне. Яна адзначыла, што ў існуючай сітуацыі Францыя ўхваляе дзеянні кожнага з зацікаўленых бакоў, якія прымаюцца для нармалізацыі сітуацыі.
