Маркетплэйс Ozon і РУП “Белпошта” падпісалі мемарандум аб пашырэнні стратэгічнага супрацоўніцтва, паведамляе Telegram-канал “Белпошты”.
“Рэалізацыя пагаднення паміж маркетплэйсам Ozon і нацыянальным аператарам паштовай сувязі “Белпошта” дазволіць скараціць тэрміны дастаўкі заказаў ад прадаўцоў Беларусі і Расіі, палепшыць вопыт атрымання заказу, а таксама дасць магчымасць беларускім прадаўцам маркетплэйсу перадаваць заказы для дастаўкі па тэрыторыі Беларусі”, – гаворыцца ў паведамленні.
На прадпрыемстве нагадалі, што Ozon паспяхова супрацоўнічае з “Белпоштай” на тэрыторыі Беларусі па дастаўцы заказаў з сайта маркетплэйсу.
