Як паведамляе агенцтва «Мінск-Навіны» са спасылкай на Telegram-канал Міністэрства абароны, выстава пройдзе з 23 па 26 чэрвеня. На ёй будуць прадстаўлены сучасныя ўзоры ўзбраення і ваеннай тэхнікі, распрацаваныя канструктарамі Беларусі, Расіі, краін АДКБ, а таксама блізкага і далёкага замежжа. Чакаецца, што будуць прадстаўлены ў тым ліку сродкі агнявога паражэння, баявыя модулі, сродкі рухомасці, ударныя беспілотныя лятальныя апараты, робататэхніка, стралковая зброя і боепрыпасы, а таксама сродкі сувязі, радыёэлектроннай барацьбы, процідзеяння беспілотным сістэмам.
