Палата прадстаўнікоў Нацыянальнага сходу Беларусі ў сераду прыняла законапраект, які пашырае паўнамоцтвы ўнутраных войскаў, якія змогуць прымяняць баявую тэхніку для падаўлення масавых беспарадкаў. Пра гэта перадае ТАСС са спасылкай на прэс-службу беларускага парламента.
“Законапраектам прадугледжваюцца: надзяленне ўнутраных войскаў паўнамоцтвамі на прымяненне баявой і спецыяльнай тэхнікі для спынення масавых беспарадкаў і групавых парушэнняў грамадскага парадку або дзеянняў, накіраваных на разбурэнне або знішчэнне маёмасці ўсіх форм уласнасці”, – гаворыцца ў паведамленні прэс-службы....>
У ім таксама ўказваецца, што вайскоўцы ўнутраных войскаў атрымліваюць права на прымяненне зброі супраць асоб за напад на воінскі нарад або каравульнае памяшканне, а таксама за незаконнае пранікненне на тэрыторыю ахоўных аб’ектаў.
