Вучэнні “Цвёрды шчыт” інтэграваных у сістэму літоўскага міністэрства абароны добраахвотніцкіх ваенізаваных падраздзяленняў з удзелам аналагічных атрадаў, якія спецыяльна прыбылі з Латвіі і Эстоніі, пачаліся на паўднёвым усходзе Літвы. Пра гэта, як піша ТАСС, паведаміла ў пятніцу камандаванне літоўскага войска.
Паводле яго даных, “мэтай вучэнняў з’яўляецца адпрацоўка дзеянняў па планаванні ваенных аперацый і іх правядзенні ў зоне адказнасці добраахвотніцкіх падраздзяленняў ва ўзаемадзеянні з падраздзяленнямі рэгулярнага войска і саюзнікаў па НАТА”.
Агенцтва паказвае, што да добраахвотніцкай службы аховы краю, як у Літве афіцыйна называюцца гэтыя ваенізаваныя фармаванні, прыпісаны 5,2 тыс. чалавек. Яны сумяшчаюць выкананне адпаведных задач са звычайнай працай. На працягу года добраахвотнік прыкладна на 30 дзён прыцягваецца да збораў, часцей за ўсё гэта адбываецца ў выходныя.
